20 May 2022   Beware America - By: Alon Ben-Meir



11 May 2022   Think twice before advocating for Sinwar's execution - By: Dr. Gershon Baskin


5 May 2022   How do we make holy places holy again? - By: Dr. Gershon Baskin





















5 أيلول 2015   "من الأزل".. آخر كتب الراحل جونتر جراس - بقلم: المركز الألماني للإعلام (ألمانيا إنفو/ almania info)

4 شباط 2011

لا مستحيل..!!

بقلم: جودت راشد الشويكي
طباعة     إرسال في البريد الإلكتروني

يا فهمانة حضري حالك انتي والبنت صبرية ليوم الخميس ..

- خير يا ابو صابر شو ناوي تأخدنا رحلة او زيارة؟

- يا ستي لا رحلة ولا زيارة، الموضوع يوم الخميس جاي لعنا اخوي ومرته وابنهم صبري عشان يخطبوا البنت صبرية لابنهم..

- لكن البنت عايزة تتعلم يا زلمة وانت ما شاورتها..

- اه هذا اللي ناقص عايزة اشاورها ومن امتى احنا بنشاور النسوان؟ انا كبير الدار وبعرف مصلحة بنتي ومثل ما بقول المثل "جحا اولا بلحم ثوره" واللي في راسي لازم امشيه..

- حرام يا ابو صابر البنت ناجحة بدراستها وبدها اتكمل تعليمها بالجامعة وحضرتك ناوي تبيعها مثل اللحمة بالكيلو ..

- يا فهمانة الزمي حدودك ولا تكثري حكي انا بعمل لمصلحة البنت. قال تعليم قال وآخرتها للجلي والغسيل وطق الحكي والقال والقيل ..

- يا رجال كل اشي ممكن ايصير بالخناق الا الزواج بالاتفاق..

- ايوه انا فهمان شو قصدك. الموضوع لان ابن اخي العريس لو كان حد غيره كان اختلف الحال وفقعتيها زغروتة مع موال..

- طيب يا ابو صابر اذا كان كلامي انا مش مسموع شاور صبرية بالموضوع..

- بقول صبرية جاهلة وما ابتعرف مصلحتها وبيقول المثل "اخطب لبنتك قبل ابنك"..

- انا ما بدي اعمل معك خناقة هي بنتك قدامك وانت حر فيها لكن بقول خطيتها برقبتك لان نفسها تكمل تعليمها. ومثل ما بقولو التعليم حماية لمستقبلها..

- مستقبلها مع ابن عمها. شو ناقصة ولد شغيل وطول عمره من الورشة للفرشة صحيح انه مش متعلم كثير لكن ولد دغري لا يمين ولا شمال. يا عمي طالع لعمه هذا غير حلاوته وخفة دمه..

- آه مهو صدق من قال الولد بعين أمه غزال..

- شو بشوف قاعدين تتقاتلو مثل العادة..!!

- لا يا بنتي يا صبرية هذا نقاش بيني وبين امك عشان انا رجال ديمقراطي او بشاور ناسي لكن بالآخر بعمل إلي في راسي ..

- ابوكي يا صبرية بقول انو عايز ايجوزك لابن عمك ..

- صحيح هل كلام يا يابا ..

-ايوا صحيح ولا تخلي امك تلعب بعقلك. ابن عمك شب منيح انتي بتلبقيله وهو بلبقلك..

- لكن يابا انا بدي اكمل تعليمي وما بفكر بالزواج ..

- يا صبرية مصير البنت تتزوج وانا ادرى بمصلحتك..

- مصلحتي يابا في التعليم لان التعليم والشهادة سلاح البنت للمستقبل وانا معدلي منيح وعايزة اكمل تعليمي الجامعي..

- وشو بلا قافيه ناوية تدرسي ..

- بفكر اكمل في كلية الحقوق .

- حقوق ايش يا معدلة مهي طول عمرها حقوقنا ضايعة..

- قصدي ادرس محامية ..

- اه يا عيني قصدك ابو كاتو امنيح ومصيرك تجيبي الشهادة وتعلقيها على الحيط مع برواز مذهب..

- اكيد رايحة انجح وبكرا بتشوف ..

- اي شدي حيلك يمكن ايحطوكي مع الوفد المفاوض لحتى تحلي القضية و يقولوا حلتها الست صبرية..

- يا رجال بدل ما اتشجع البنت بدك تقف في طريقها..

- انا قلت الي عندي ومش ناقصني وجع راس وكلام كثير من غير اساس … 

صبرية محتارة بين الاستسلام والقبول او الرفض ومواصلة التعليم ولانها لن تجد تفهما من والدها قررت ان تحل مشكلتها بنفسها لان الانسان ارادة وموقف وخاصة حينما يتعلق الموضوع بمستقبله وكان ان ارسلت الى ابن عمها من يخبره انها تريد الحديث معه وحضر الى منزلهم وكان في نيتها اقناع ابن عمها برغبتها بالتعليم وان يرفض او يؤجل الزواج منها او ان ينتظر لحين تخرجها لكن دون قيود او التزام، هكذا فكرت وحصل اللقاء. وتفهم ابن عمها الموضوع. ولانه شاب عنده شهامة  لم  يرغب ان يفرض نفسه على انسانة لا ترغب به.. وتعلمت صبرية واكملت تعليمها الجامعي وحصلت على شهادة التخرج بامتياز لان شعارها بالحياة كان: لا مستحيل..

* -- - hikayat_bahlool@hotmail.com



الإسم
البريد الإلكتروني
التعليق
رمز الأمان

21 أيار 2022   الفكر الصهيوني: "القومية" ونفي الآخر..! - بقلم: بكر أبوبكر

21 أيار 2022   شيرين.. هبة فلسطين للسماء..! - بقلم: جواد بولس

20 أيار 2022   حدث في ذاك الزمان: صفقة التبادل عام 1985 - بقلم: عبد الناصر عوني فروانة

20 أيار 2022   انتصارات الأحزاب وانتصار الوطن..! - بقلم: د. إبراهيم أبراش

20 أيار 2022   اعتقال ومحاكمة حامل التابوت..! - بقلم: راسم عبيدات



20 أيار 2022   بيرزيت وفريق الـ27 وتحريرفلسطين..! - بقلم: بكر أبوبكر


19 أيار 2022   قراءة في انتخابات جامعة بيرزيت 2022..! - بقلم: خالد معالي

19 أيار 2022   انتخابات جامعة بير زيت..! - بقلم: د. عبد الرحيم جاموس

19 أيار 2022   استشهاد شرين وتحديات الواقع..! - بقلم: د. سنية الحسيني

19 أيار 2022   إسرائيل تدعم "حماس"..! - بقلم: زياد أبو زياد

19 أيار 2022   صراع القوة العسكرية مع السيادة الشرعية في جنازة ‏شيرين..! - بقلم: المحامي إبراهيم شعبان






11 نيسان 2022   في ذكرى صمود ومجزرة يافا عام 1775 - بقلم: د. سليم نزال



21 كانون ثاني 2022   رحلة موت الطفل سليم النواتي..! - بقلم: مصطفى إبراهيم

24 كانون أول 2021   الدنمارك الاستعمارية..! - بقلم: حسن العاصي




27 اّذار 2011   عداد الدفع المسبق خال من المشاعر الإنسانية..!! - بقلم: محمد أبو علان

13 شباط 2011   سقط مبارك فعادت لنا الحياة - بقلم: خالد الشرقاوي

4 شباط 2011   لا مستحيل..!! - بقلم: جودت راشد الشويكي



16 أيار 2022   أسير الشغف..! - بقلم: صفاء أبو خضرة

15 أيار 2022   أنا الجغرافيا الفلسطينية..! - بقلم: نصير أحمد الريماوي




28 اّذار 2022   رسالة المسرح في يومه العالمي..! - بقلم: شاكر فريد حسن

8 كانون ثاني 2011   "صحافة المواطن" نافذة للأشخاص ذوي الاعاقة - بقلم: صدقي موسى

10 تشرين ثاني 2010   رساله .. - بقلم: جودت راشد الشويكي

3 تشرين ثاني 2010   شخبطة صحفية - بقلم: حسناء الرنتيسي

27 تشرين أول 2010   المدلل .. - بقلم: جودت راشد الشويكي


4 اّذار 2012   الطقش


26 كانون ثاني 2012   امرأة في الجفتلك



 
 
 
top

English | الصفحة الرئيسية | كاريكاتير | صحف ومجلات | أخبار وتقارير | اّراء حرة | الإرشيف | صوتيات | صحفيون وكتاب | راسلنا

جميع الحقوق محفوظة © لشبكة  أمين الأعلامية 2022- 1996 
تصميم وتطوير شبكة أمين الأعلامية